ក្រុមហ៊ុន Hitachi ទើបតែបានធ្វើការប្រកាសអោយដឹងពីគំរោងរបស់ខ្លួនស្តីអំពីការផលិតនូវ
Hard Drive ដែលមានទំហំ ៤TB កាលពីពេលថ្មីៗនេះ។ Hard Drive នេះស្ថិតនៅក្នុងប្រភេទ
ស្រឡាយ Deskstar 5K4000 ដែលត្រូវបានគេចាត់ទុកថាជា Hard Drive ទំហំ ៤TB ដំបូងគេ
ដែលមានវត្តមាននៅលើទីផ្សារ និងបានផ្គត់ផ្គង់បរិមាណប្រមាណជា ១/៣ បន្ថែមទៀត បើ
ធៀបជាមួយបរិមាណនៃ Hard Drive ដែលមានទំហំធំបំផុតនាពេលបច្ចុប្បន្ននេះ។ ដើម្បី
ផលិតបាននូវប្រភេទនៃ Hard Drive នេះ Hitachi ត្រូវធ្វើការកាត់បន្ថយនូវកំរិតជុំនៃរង្វង់វិល
របស់ Hard Drive មកត្រឹមតែ ៥.៤០០ជុំ/នាទី វិញ។ ប៉ុន្តែវាអាចធ្វើការសន្សំសំចៃបានចំនួន
ប្រមាណជា ២៨ភាគរយនៃការចំណាយថាមពលអគ្គីសនីទៀតផង ហើយទន្ទឹមនឹងនោះវា
ក៏មានដំនើរការប្រសើរជាង Hard Drive ដែលមានល្បឿន ៧២០០ជុំក្នុង ១នាទីទៀតផង។
មានចំនួនកំណត់ផងដែរ និងត្រូវបាន Hitachi លក់ក្នុងតំលៃ ៤០០ដុល្លាអាមេរិក។ ក៏ដូចជា
រយៈពេលកន្លងមកផងដែរ ប្រភេទនៃ Hard Drive ថ្មីនឹងតម្រូវការនូវប្រព័ន្ធប្រតិបត្តិការថ្មី
(Mac OS X រឺក៏ Windows ថ្មី) ។
Hitachi ក៏នឹងធ្វើការផលិតនូវ Hard Drive ក្រៅ Touro Desk ជាមួយនឹងទំហំបរិមាណប្រហាក់
ប្រហែលគ្នា។ អតិថិជនដែលទិញសមិទ្ធិផលរបស់ Hitachi នឹងត្រូវបានធ្វើការផ្តល់ជូននូវការ
រក្សាទុកទិន្នន័យ Cloud backup ទំហំ ៣GB ដោយឥតគិតថ្លៃផងដែរ។ Hitachi នឹងធ្វើការ
ផលិត Hard Drive Touro ៤TB នៅកំឡុងខែមករាដើមឆ្នាំក្រោយ ជាមួយតំលៃលក់ប្រហែល ៤២០ដុល្លាអាមេរិក៕
Categories:
ព័ត៌មានពីបច្ចេកវិទ្យា