ប្រហែលជាបីទៅបួនថ្ងៃមុននេះ ក្រុមអភិបាលភាសាសម្រាប់ Facebook បានសម្រេចចេញផ្សាយ ភាសាខ្មែរ សម្រាប់គេហទំព័រ Facebook រួចមកហើយ។ នេះជាសមិទ្ធិផលដ៏ល្អមួយសម្រាប់អ្នកចូលរួមបកប្រែទាំងអស់ ដែលបានខិតខំអស់រយៈពេលជាយូរមកហើយ ហើយនៅពេលនេះត្រូវបានដាក់ឲ្យប្រើជាសាធារណៈ តែស្ថិតក្រោមការសាកល្បង។
ការបកប្រែបណ្ដាញសង្គម Facebook ទៅជាភាសាខ្មែរ ត្រូវបានចូលរួមពីសំណាក់អ្នកប្រើប្រាស់ទាំងឡាយ។ ក៏ប៉ុន្តែមកដល់ពេលនេះ នៅមានបញ្ហានៃការបកប្រែកើតឡើងដោយមិនអាចចៀសផុតបាន ដូចជាការបកប្រែពាក្យខុស, ការប្រើពាក្យហៅមិនត្រឹមត្រូវ និងការកំណត់ការបកប្រែពាក្យបច្ចេកទេសមួយចំនួន មិនមានភាពច្បាស់លាស់។ ប៉ុន្តែបញ្ហាទាំងនេះនឹងត្រូវបានដោះស្រាយ លុះត្រាអ្នកប្រើប្រាស់ទាំងអស់ នាំគ្នាជួយបកប្រែ និងកែសម្រួល។
ដូច្នេះសរុបមក នេះជាមោទនភាពមួយរបស់អ្នកប្រើប្រាស់ Facebook ដែលជាជនជាតិខ្មែរ និងជាមោទនភាពសម្រាប់អ្នកប្រឹងប្រែងបកប្រែជាយូរមកហើយ។ សូមចូលរួមប្រើប្រាស់ទាំងអស់គ្នា ដើម្បីលើកតម្កើងភាសាខ្មែរ ឲ្យមានគុណភាព និងទូលំទូលាយនៅក្នុងវិស័យបច្ចេកវិទ្យាព័ត៌មានវិទ្យា។
ប្រសិនបើអ្នកចង់ចូលរួមបកប្រែ ឬ កែសម្រួលពាក្យខុសផ្សេងៗ សូមចូលទៅកាន់៖ http://facebook.com/translations
សូមចូលរួមទាំងអស់គ្នា ដើម្បីឲ្យភាសាខ្មែរសម្រាប់ Facebook កាន់តែទូលំទូលាយ និងមានគុណភាពខ្ពស់
Categories:
ព័ត៌មានពីបច្ចេកវិទ្យា